Related Posts
Category : Gujarat
જૂનાગઢમાં દિવાળી પહેલાં ગીર ગાયના દેશી ઘીના નામે નકલી ઘી’ વહેચાતા ઝડપાયું
દિવાળીના તહેવારો ટાણે જ જૂનાગઢમાં લોકોના આરોગ્ય સાથે ગંભીર ચેડાં કરતાં નકલી દેશી ઘીના મોટા કૌભાંડનો SOG દ્વારા પર્દાફાશ કરવામાં આવ્યો છે. માર્કેટિંગ યાર્ડ નજીક દુકાન નં-15 ક્રિષ્ના ઇન્ડસ્ટ્રીઝમાં દિવેલાના વેપારની આડમાં સોયાબીન તેલ અને કેમિકલ ભેળવી ‘બ્રજ મટુકી’ તેમજ ‘કેશવ’ જેવી ધાર્મિક બ્રાન્ડના નામે ‘ગીર ગાયનું શુદ્ધ ઘી’ કહી ₹600 પ્રતિ કિલોના ભાવે ઝેર પધરાવવામાં આવતું હતું.
કમલેશ સોઢા નામના રીઢા ભેળસેળિયા દ્વારા છેલ્લા 4-5 વર્ષથી આ ગોરખધંધો ચલાવવામાં આવતો હતો. જોકે, પોલીસે ઘટનાસ્થળે પહોંચી તમામ મુદ્દામાલ જપ્ત કર્યો છે. અગાઉ પણ બે વાર શંકાસ્પદ ઘી બનાવતો ઝડપાયો હતો ત્યારે પોલીસ આ મામલે શું કાર્યવાહી કરશે તે જોવું રહ્યું.
સોયાબીન તેલ, કેમિકલ અને એસેન્સમાંથી બનતું બનાવટી ઘી આ દરોડા દરમિયાન સામે આવેલી વિગતો મુજબ આરોપી મોટા વાસણોમાં સોયાબીન તેલ, દિવેલાનું તેલ, કૃત્રિમ ઘી ફ્લેવર તેમજ વિવિધ જોખમી કેમિકલો અને એસેન્સનું મિશ્રણ કરીને આ શંકાસ્પદ દેશી ઘી તૈયાર કરતો હતો. ઘી બનાવવા માટે વપરાતા મોટા કન્ટેનરમાં ખાસ પ્રકારની પાઈપલાઈન અને ફિટિંગ ગોઠવવામાં આવી હતી, જેના દ્વારા સીધું જ પ્રવાહી ડબ્બાઓમાં ભરી લેવાતું હતું. કારખાનામાંથી આઠથી વધુ જાણીતી બ્રાન્ડના ડબ્બા, નામાંકિત કંપનીઓના બનાવટી લોગોવાળા સ્ટીકરો તેમજ ઘીની સુગંધ આપતી એસેન્સની બોટલોનો મોટો જથ્થો મળી આવ્યો છે. ખાસ કરીને પેકિંગ કરેલા ડબ્બાઓમાં કોઈપણ પ્રકારની એક્સપાયરી ડેટ કે બેચ નંબર પણ લખેલા ન હતા.
અસલી ગીર ગાયના દેશી ઘીના નામે ₹600 પ્રતિ કિલો વેચાણ આરોપીઓ સાદા તેલ અને કેમિકલથી બનેલા આ નકલી ઘીના ડબ્બાઓ પર ગીર ગાયના શુદ્ધ દેશી ઘી તેમજ પ્રખ્યાત બ્રાન્ડ્સના નકલી લેબલ ચોંટાડી દેતા હતા. ત્યારબાદ બજારમાં આ ભેળસેળિયું ઘી અસલી અને પૌષ્ટિક હોવાનો દાવો કરીને ₹600 પ્રતિ કિલોના ભાવે ગ્રાહકોને પધરાવવામાં આવતું હતું. દિવાળીના તહેવારો નજીક હોવાથી મીઠાઈ અને અન્ય વાનગીઓમાં શુદ્ધ ઘીની માંગ વધી હોય એવા સમયે આ મોટા કૌભાંડનો પર્દાફાશ થતાં લોકોના સ્વાસ્થ્યને થનારું મોટું નુકસાન અટક્યું છે.
લાખોનો મુદ્દામાલ જપ્ત, ફૂડ વિભાગની નિષ્ક્રિયતા સામે લોકરોષ SOGની કાર્યવાહી બાદ સ્થાનિક ફૂડ એન્ડ ડ્રગ્સ વિભાગની ટીમને પણ સ્થળ પર બોલાવવામાં આવી હતી. તપાસ દરમિયાન લાખો રૂપિયાની કિંમતનો શંકાસ્પદ ઘીનો જથ્થો, રો મટિરિયલ્સ અને સાધન-સામગ્રી જપ્ત કરવામાં આવી છે તેમજ કાયદેસરની તપાસ અર્થે સેમ્પલ સીલ કરી લેબોરેટરીમાં મોકલવાની તજવીજ હાથ ધરાઈ છે. બીજી તરફ, જે ગંભીર કામગીરી નિયમિત તપાસ કરીને અટકાવવાની જવાબદારી ફૂડ વિભાગની હતી તે કામગીરી પોલીસ તંત્રએ કરવી પડતાં સ્થાનિક ફૂડ એન્ડ ડ્રગ્સ કચેરીની ઘોર બેદરકારી અને નિષ્ક્રિયતા સામે શહેરીજનોમાં આક્રોશ જોવા મળી રહ્યો છે.
નકલી ઘીથી 4 મોટા નુકસાન
- હૃદયરોગનું જોખમ: ચરબીયુક્ત તત્વ હાનિકારક કોલેસ્ટ્રોલ વધારે છે, જેનાથી હાર્ટ એટેક, પ્રેશર જેવી બીમારીઓ થઈ શકે છે.
- પાચનતંત્રને નુકસાન: કૃત્રિમ પદાર્થો પચવામાં ભારે હોવાથી પેટમાં બળતરા, અપચો, ગેસ અને લિવર ખરાબ કરી શકે છે.
- રોગપ્રતિકારક શક્તિ ઘટે: ભેળસેળયુક્ત પદાર્થો ખાવાથી રોગપ્રતિકારક શક્તિ ઘટી શરીરમાં ઝેરી તત્વો જમા થાય છે, જે બાળકો અને વડીલો માટે વધુ નુકસાનકારક છે.
- કેન્સરનું જોખમ : સસ્તા કેમિકલ્સ અને હાનિકારક ફ્લેવર્સ કોષોને નુકસાન પહોંચે છે, જે કેન્સરનું કારણ પણ બની શકે છે.
Load more
Live Cricket Score
-
![]()
અમિત શાહ સામેના માનહાનિના કેસમાં રાહુલ ગાંધી નિર્દોષ જાહેર, સુલતાનપુર કોર્ટે ચુકાદો સંભળાવ્યો
26 Oct, 2026 -
![]()
19 ફૂટ ને 90 કિલોના અજગર સાથે કુસ્તી!:અમેરિકન ઈન્ફ્લુએન્સરે શેર કર્યો અજગર સાથે મોતના મુકાબલાનો VIdeo
18 Oct, 2026 -
![]()
કોલકાતામાં અંધારું, વરસાદ અને લાઉડસ્પીકરે લીધો 19 લોકોનો ભોગ
18 Oct, 2026 -
![]()
અભિજિત દીપકેએ મોડી રાતે CJPનું લક્ષ્ય જણાવી દીધું, ‘અમે સત્તા પરિવર્તન નથી ઇચ્છતા, પરંતુ…’
16 Oct, 2026 -
![]()
ગુજરાત ભાજપ યુવા મોરચાના પ્રદેશ પ્રમુખ તરીકે નરેશ દેસાઈની વરણી, યુવા સંગઠનને નવી દિશા આપવાની જવાબદારી
15 Oct, 2026
-
![]()
ગુજરાતના 4 જિલ્લાઓ દુષ્કાળગ્રસ્ત જાહેર: પશુપાલકો અને ખેડૂતો માટે રાહત પેકેજ ના નિર્ણયને આવકારતા કિસાન મોરચાના પ્રમુખ હિરેન હિરપરા
26 Oct, 2026 -
![]()
Deesa માં 15 ગેરકાયદે બાંધકામો સામે તંત્રની લાલ આંખ, કરોડોની મિલકતો સીલ કરવાની તૈયારી!
26 Oct, 2026 -
![]()
સીએમ ની મોટા જાહેરાત ખેડૂતોને લઇ સરકારે કરી મોટી જાહેરાત
26 Oct, 2026 -
![]()
Ahmedabad ના સાબરમતી રિવરફ્રન્ટ ખાતે ‘રાષ્ટ્રીય સરસ મેળો 2026’નો ભવ્ય પ્રારંભ: 15 રાજ્યોની કલા અને સંસ્કૃતિ એક જ છત નીચે
26 Oct, 2026 -
![]()
ચાંદીના ભાવ રેકોર્ડ ઊંચાઈથી ₹2.23 લાખ ઘટ્યા, ધનતેરસ પર ખરીદવું કે હવે?
26 Oct, 2026
